Kombëtarja e Francës është kualifikuar në finale të Kupës së Botës për herë të dytë rresht, duke triumfuar në gjysmëfinale kundër Marokut.
“Gjelat” triumfuan me rezultat të pastër 2:0 ndaj marokenëve, me nga një gol për secilën pjesë.
Baraspesha në rezultat u ndryshoi vetëm pas pesë minutave lojë kur Theo Hernandez realizoi nga afërsia. Pas këtij goli, rastet nuk munguan nga dyja ekipet kombëtare, megjithatë pjesa e parë u mbyll me epërsinë minimale të francezëve.
E në pjesën e dytë, i sapoinkuadruari Kolo Muani realizoi golin e dytë dhe të fundit në minutën e 80-të.
Franca në finalen e madhe të 18 dhjetorit do të ballafaqohet me Argjentinën e Lionel Messit.
Maroku dhe Kroacia do të përballen në ndeshjen për vendin e tretë në Kampionatin Botëror.