Kryetari i Federatës së Futbollit të Kosovës, Agim Ademi ka folur për spekulimet e fundit se Mirlind Daku dhe Ermal Krasniqi preferojnë Kombëtaren e Shqipërisë.
Gjatë këtyre ditëve në mediat tona u spekulua se dyshja e lartpërmendur është duke e pritur ftesën e ‘Kuqezinjve’.
Mirëpo gjatë një interviste në Lajmi.net, kryetari i FFK-së tregon se këto lajme nuk janë të vërteta dhe se lojtarët janë pjesë e ‘Dardanëve’.
“Mirlind Daku herën e fundit ka qenë në përgatitje dhe është anëtar. Njëjtë është edhe për Ermal Krasniqin. Neve na intereson vetëm kush e do Kosovën me zemër”, ka deklaruar Agim Ademi
Ai gjithashtu flet edhe për Mërgim Berishën dhe Elvis Rexhbecaj. Duke thënë se kjo është hera e fundit që Kosova i pret.