Një episod i veçantë kanë ndodhur në zhveshtoret e stadiumit “Johan Cruijff Arena” në Amsterdam pas përfundimit të ndeshjes me Ajaxit dhe Napolit në kuadër të Ligës së Kampionëve.
Mediumet italiane kanë raportuar të mërkurën se futbollistët e Ajaxit kanë refuzuar t’i shkëmbejnë fanellat me ata të Napolit.
Skuadra italiane të martën mbrëma, e mposhti thellë Ajaxin 6:1 duke ia shkaktuar humbjen më të thellë në shtëpi në kuadër të garave evropiane.
Pas përfundimit të ndeshjes, një anëtar i stafit të Napolit kishte shkuar në zhveshtoren e Ajaxit për një shkëmbim të zakonshëm fanellash. Ai kishte pasur me vete fanellat e disa prej protagonistëve të Napolit në këtë ndeshje dhe ua ka dorëzuar stafit të Ajaxit.
Megjithatë, pak minuta më vonë, një person i stafit të Ajaxit ia ka kthyer atij prapa fanellat e Napolit duke i thënë se futbollistët e ekipit holandez nuk ishin të interesuar aspak në këtë shkëmbim duke refuzuar një gjë të tillë kategorikisht.