Gjatë ditës së djeshme, Prishtina e zyrtarizoi trajnerin e ri për sezonin e ardhshëm.
Ekipin do ta udhëheq trajneri francez Jean-Michel Cavalli.
E sot, janë mësuar emrat e parë të futbollistëve që më nuk do të jenë pjesë e kryeqytetasve.
Largimin nga klubi bardh e kaltër e kanë konfirmuar Kushtrim Gashi, Egzon Sinani, si dhe Hasan Hyseni.
Po ashtu, pjesë e shtabit teknik nuk do të jetë as Agim Maliqi, që e konfirmoi largimin.
Tek Prishtina pritet të ketë edhe largime të tjera, e po ashtu edhe ardhje të futbollistëve të rinj.
Prishtina e mbylli edicionin në vendin e pestë në tabelë me 49 pikë dhe Evropën nuk e siguroi, pasi dështoi në finale të Kupës nga Ballkani.