Duke luajtur aktualisht për Botafogon, Alex Telles nuk harron vitet kur ishte shok skuadre me Cristiano Ronaldon. Qoftë te Manchester United apo Al Nassr, mbrojtësi brazilian kishte kujtime të mira nga kohët kur luajti me CR7, diçka që ai vetë e rrëfeu në një intervistë për Globo Esporte.
Telles kujtoi thashethemet që për rolin e Crisitano Ronaldos në bindjen e Luís Castros për t’u larguar nga Botafogo dhe kaluar si trajner i Al Nassr në vitin 2023. Edhe pse ai nuk e konfirmon këtë ndikim, mbrojtësi i krahut gjithashtu nuk e mohon:
“Cris ka fuqi në kudo. Për shkak të imazhit që ka dhe gjithçkaje që ka arritur, opinioni i tij përfundon shumë i fortë. Sa herë që përfshihet emri i Cristiano Ronaldos, përfshihet edhe një ekip i madh rreth tij. Është e qartë se ai do të dëshirojë më të mirën.”
Mbrojtësi brazilian zbuloi disa fakte interesante për rutinën e CR7: “Pjata e tij ishte krejtësisht ndryshe. Mbërriti nutricionisti dhe i dha menjëherë pjatën. Ai ha shumë gjëra të natyrshme, ai mban gjithmonë një sy në gatimet e të tjerëve, madje ne kishim frikë të shkonim të merrnim ëmbëlsirë. E dimë që i pëlqen të kujdeset për trupin e tij, ndaj duam t’i ndjekim këta shembuj të mirë”.
“Kishte një kohë kur ai hante proteina pas drekës. Pas rreth 15 ditësh, tashmë kishte rreth 20 të tilla proteina në tryezë dhe lojtarët kërkuan nga nutricionistët t’i jepnin ato, për të parë nëse kishte ndonjë lloj magjie”, zbuloi Alex Telles.
Braziliani 31-vjeçar gjeti gjithashtu mundësinë për të treguar se Cristiano Ronaldo e lehtësoi kalimin e tij te Al Nassr, në 2023/24: “Ai më telefonoi kur filluan të lindnin biseda për këtë. Ai më tha ‘eja këtu (Arabia Saudite), eja dhe kënaqu, vendi po i hapet futbollit’.
Kur isha ende në negociata, më thirri dhe më tha se do ta zgjidhte. Ne e mbajmë këtë përgjegjësi që të shkojmë dhe të bëjmë më të mirën që mundemi sepse ai na thirri.”