Barcelona nuk ka arritur të fitojë sot ndaj Rayo Vallecanos në transfertë, pasi katalanasit kanë dalë nga stadiumi i kundërshtarëve me vetëm një pikë pas barazimit 1-1.
Vendasit shënuan që në pjesën e parë, ku i befasuan katalanasit në minutën e 39’ me anë të Lopez. 45 minutat e para, Rayo Vallecano i menaxhoi më së miri, madje duke i dominuar blaugranat.
Në pjesën e dytë gjithçka ndryshoi në statistika, pasi Barça normalisht ishte më kërkuese për të shënuar golin e barazimit, dhe pse jo për ta përmbysur atë.
Megjithatë, pas shumë tentativash, Barcelona arriti të barazonte rezultatin në minutën e 82’ falë një autogoli të Lejeune.
Me këtë barazim, Barcelona renditet në vendin e tretë me 31 pikë, duke u distancuar me 3 pikë nga kreu i tabelës aktualisht, pasi Girona dhe Real Madrid janë me një ndeshje më pak.