Mesfushori Alush Gavazaj është përforcimi më i ri i skuadrës së Lirisë.
Ekipi nga Prizreni e ka prezantuar të mërkurën 28-vjeçarin, i cili ka firmosur kontratë për edicionin 2023/24. Edicionin e fundit, Gavazaj ishte pjesë e skuadrës së Malishevës, ndërsa karrierë ka bërë edhe në Shqipëri e Maqedoni të Veriut krahas Kosovës.
Te Liria po e shohin Gavazajn si përforcim të duhur për mesfushën këtë edicion, në të cilin janë rikthyer në Superligë pas katër vjetësh. Pas dy ndeshjeve të para në elitë, Liria ka tubuar një pikë.