Gazetari Driton Latifi i cili ka qenë i pranishëm në stadiumin e Bukureshtit për të ndjekur ndeshjen Rumani – Kosovë, i ftuar në emisionin ‘A PLAY’ në ATV, ka deklaruar që në zonën ‘VIP’ ku qëndronin disa afaristët e njohur kosovar, ka pasur tifozë serb të pranishëm.
‘Sigurisht që ka pasur tifoz serb në stadium. Ne i kemi pasur aty përballë në zonën ‘Vip’ tifoz serb i cili ka ardhur me flamur të Serbisë, ka qenë edhe me atë kampelen nacionale që e kanë dhe ka provokuar gjatë gjithë kohës’ tha Latifi
Kujtojmë që ndeshja mes Rumanisë dhe Kosovës të premten në Bukuresht u ndërpre pasi në stadiumin me 50 mijë shikues, kishte thirrje raciste kundër lojtarëve tanë. Deri në minutën e 90, rezultati i ndeshjes ishte 0:0, me ekipin kombëtar të Kosovës që ishte bindshëm më i mirë./ATVLIVE.TV