Girona e ka shkatërruar Real Madridin të martën mbrëma. Girona mposhti Realin me rezultatin e thellë, 4:2, në ndeshjen që i takoi javës së 31-të të La Ligas spanjolle.
Me këtë fitore, Girona ngritët në vendin e nëntë me 41 pikë, kurse Reali mbetet në vendin e dytë me 65 pikë. Barca e para ka 11 pikë më shumë dhe një ndeshje më pak.
Argjentinasi Taty Castellanos shkëlqeu duke i shënuar katër golat ekipit madrilen.
Golin e parë e shënoi në minutën e 12-të, ndërsa të dytin në minutën e 24-t. Më pas Vinicius Junior shënoi për 2:1 në minutën e 34-t.
Castellanos shënoi edhe dy gola tjerë në pjesën e dytë. “Hat-trickun” e kompletoi në minutën e 46-të, kurse të katërtin në minutën e 62-të. Lucas në minutën e 85-të shënoi për rezultatin përfundimtar, 4:2.