Manchester United e ka fituar derbin e javës së 12-të në elitën e futbollit anglez kundër Tottenham Hotspur.
“Djajtë e Kuq” triumfuan me rezultat të pastër 2:0 kundër “Spurs” në stadiumin “Old Trafford”.
Përkundër dominimit të nikoqirëve gola në pjesën e parë nuk pati.
E në start të fraksionit të dytë, të besuarit e Erik ten Hag gjetën rrugën e golit me anë të mesfushorit Fred që kaloi vendasit në avantazh në minutën e 47-të.
22 minuta më vonë, në skenë doli portugezi Bruno Fernades që me një gol të bukur i dhuroi Man Unitedit golin e qetësisë dhe të epilogut përfundimtar të takimit.
Man United me këtë fitore shkon në kuotën e 19 pikëve në pozitën e pestë. Tottenham ka 23 pikë në vendin e tretë.