Gjermania do të organizojë Kampionatin Evropian të futbollit për të rritur, ndërsa pak muaj përpara verës së 2024-ës, ia ku provoi një lumturi të madh.
Kombëtarja gjermane U17 u shpall kampione e botës, duke triumfuar me penallti pas një finaleje tepër emocionuese ndaj Francës.
Për habi, ky ishte vetëm titulli I parë në këtë moshë për “teutonët”, por gjithsesi tregon se një brez I artë po vjen, dhe që mund të rikthejë Gjermaninë në lavdinë e dikurshme.
Për momentin, kombëtarja e të rriturve po paraqitet shumë keq.
“Pancerët” 17-vjeçarë kryesuan 2-0 në sfidën e luajtur në stadiumin qendor të Xhakartës, kryeqytet I Indonezisë.
Bruner me penallti dhe Darvih ishin autorë të golave, veçse francezët reaguan fort.
Barazimi erdhi nga këmbët e Buabresë dhe Amugusë.
Gjermanët gjithsesi përballuan daljen me karton të kuq të njërit prej lojtarëve të tyre që në 68’, duke e dërguar finalen tek penalltitë.
Gabimet ishin të shumta, por përfundimisht Gjermania fitoi 4-3, pasi humbi dy 11-metërsha ndaj tre të Francës.
E njëjta dramë për “pancerat” ishte në gjysmëfinale kur kaluan Argjentinën gjithashtu me penallti.
Në vendin e tretë doli kombëtarja nga Afrika e Malit, që mundi 3-0 argjentinasit në finalen e vogël.