Skuadra e Gjilanit nuk ka arritur të marrë më shumë se një pikë në ndeshjen kundër Prishtinës pasi luajti pa gola. Ndeshja i ka takuar xhiros së 24-të të Superligës së Kosovës në futboll dhe është zhvilluar të enjten në stadiumin me bar sintetik në Gjilani.
Ndeshja nuk ka pasur ndonjë rast konkret shënimi, me të dyja skuadrat të fokusuara për të mos pranuar ndonjë gol eventualisht.
Në fillim të ndeshjes, Prishtina pati dy tentime, nëpërmjet Kushtrim Gashit (12’) e Mërgim Pefqelit (23’), por që gjuajtjet e tyre shkuan jashtë portës.
Gjilani u kundërpërgjigje në minutën e 34-të, por gjuajtja e Arbnor Ramadanit ishte e plogësht.
Rastin më të mirë në ndeshje e lëshoi Leotrim Kryeziu, gjuajtjen e të cilit nga afërsia në minutën e 44-të e priti portieri i Gjilanit, Enea Koliqi.
Me këtë barazim, Gjilani mbetet i treti në tabelë me 39 pikë, shtatë me shumë se Prishtina që renditet e katërta.