Klubi i futbollit Gjilani ka njoftuar të hënën se ka huazuar dy lojtarë të Kukësit. Bëhet fjalë për Angjelo Tafas dhe Atdhe Rashiti. Gjilani i ka prezantuar si “ardhje të përkohshme”. Pritet të jenë përforcim vetëm për ndeshjet evropiane.
Tafas është portier 23-vjeçar dhe do ta mbulojë boshllëkun e krijuar nga largimi i Enea Koliçit për te Ballkani.
Ai ka bërë karrierë të gjatë në Greqi, ndërsa ka disa vjet që është te Kukësi.
Rashiti është 24-vjeçar dhe luan në sulm.
Është zhvilluar te Baseli në Zvicër, ndërsa ka luajtur edhe në Spanjë.
Te Kukësi është prej shkurtit të këtij viti.