Egzon Gjuka është shpallur hendbollisti më i mirë i vitit 2023 në Kosovë, ndërsa Albina Rugova u shpall hendbollistja më e mirë e vitit.
Ceremonia “Laureatët 2023” e Federatës së Hendbollit të Kosovës është mbajtur të hënën mbrëma.
Gjuka në pranverën e vitit të kaluar e udhëhoqi Besa Famgasin drejt titullit të kampionit të Kosovës në hendboll. Në vjeshtë luajti për Rahovecin, që nuk ka humbje në Superligë. Ai është po ashtu prej lojtarëve kryesorë në përfaqësuesen e Kosovës.
Ndërkohë Albina Rugova e udhëhoqi Istogun drejt triumfit në kampionat, Kupë e Superkupë. Ajo po ashtu ka luajtur për përfaqësuesen e Kosovës.
Lojtarët më të dalluar të përfaqësueseve A në hendboll u shpallën Mirela Gjikokaj e Haris Berisha.
Klubet kampione, Besa Famgas e Istogu, u shpallën më të mirat e vitit, ndërsa Taib Kabashi i Trepçës dhe Faruk Shala i Istogut u shpallën trajnerë të vitit 2023.