Finalja e Kupës së Kosovës në futboll që zhvillohet nesër ka zgjuar kërshëri të madhe dhe po pritet me padurim.
Kjo pasi ky trofe për herë të parë fituesin e saj e dërgon në garat e fazës së dytë në Europa Leagu dhe këtë sukses po e kërkon Prishtina pasi Ballkani tashmë e ka siguruar pjesëmarrjen në Champion League, shkruan Ballkani.info.
Tashmë gjithçka është gati dhe FFK ka caktuar edhe gjyqtarët ku drejtësia i është besuar Genc Nuzës me ndihmësit Granit Hyseni dhe Arbnor Bullatofci, derisa gjyqtar i katërt do të jetë Ilir Mehmeti.
Njëri nga gjyqtarët më të mirë në vend dhe bashkëpunëtori i ngushtë i Genc Nuzës, Fatlum Berisha i ka uruar kolegët e tyre duke shpresuar se ata më shumë sukses do ta ndajnë drejtësinë në këtë përballje të veçantë.
“Kolegë të nderuar shumë suksese nesër në finalen e Kupës së Republikës së Kosovës????????????
JU PRIFTË E MBARA!”, ka shkruar Berisha në Facebook.
Të kujtojmë ndeshja Prishtina – Ballkani luhet nesër nga ora 15:00 në stadiumin “Rexhep Rexhepi” në Drenas. /GazetaSport
