FIFA ka vendosur ta dërgojë në shtëpi gjyqtarin spanjoll Antonio Mateu Lahoz. Ai ka gjykuar ndeshjen çerekfinale ndërmjet Holandës dhe Argjentinës, por u kritikua jashtëzakonisht shumë.
Kujtojmë se kjo ndeshje me shumë tensione përfundoi 2:2, derisa pas gjuajtjeve të penalltive argjentinasit u kualifikuan në gjysmëfinale.
Argjentina ishte më e mirë, por ndeshja kaloi me shumë tensione në fushë dhe jashtë saj. Për këtë duket se FIFA e ka parë përgjegjës Lahozin, i cili shpërndau 15 kartonë të verdhë dhe, sipas shumëkujt, ai e menaxhoi shumë keq lojën dhe i ndëshkoi në mënyrë të papërshtatshme lojtarët.
Ai u kritikua nga Lionel Messi, i cili tha se një gjyqtar i tillë nuk duhet të ishte në çerekfinale të Botërorit.