Federata e Futbollit e Kosovës sot e ka zyrtarizuar në krye të Kombëtares, trajnerin slloven Primoz Gliha.
Ai do të zëvëndësojë francezin Alian Giresse që u shkarkua për shkak të rezultateve të dobëta, shkruan Demokracia.com.
Gliha është i njohur për opinionin kosovar, derisa ai shumë mirë e njeh ambientin këtu pasi edhe më herët ka punuar dhe e di shumë mirë se si funksionojnë gjërat.
Përveç kësaj, një përparësi e madhe e tij është se nga afër i njeh edhe futbollistët që njihen si rezervë të Kombëtares A. Ai ishte pjesë e Kampit të Kosovës të mbajtur në Antalia dy vite më parë ku u zhvilluan dy ndeshje me Guinenë dhe Gambinë.
Gliha do të jetë në krye të kombëtares deri në fund të eliminatoreve për Kampionatin Evropian dhe varësisht nga rezultatet ai edhe mund të vazhdojë punën.
Pse është zgjedhjë më e mirë? Slloveni ka pranuar të jetë pjesë e Kosovës për vetëm 6 muaj, ndryshe nga trajnerët tjerë që do të vinin këtu për një kontratë më afat gjate, dhe nëse kishin dështuar humbjet financiare do të ishin shumë më të mëdha.
Zgjedhje tjetër shumë e mirë është edhe fakti që Gliha në krahë do të ketë dy trajnerë të mirënjohurë vendorë. Afrim Tovërlanin dhe Arbnor Morinën, ata do të jetë afër sllovenit,por do të jenë edhe afër futbollistëve të Superligës që do të ishin një mundësi e madhe për ta t’ju bashkohen Kombëtares A.
Sido qw tw jetw testi i parë i këtij stafi do të jetë ndeshja me Zvicrën që luhet në qershor në “Fadil Vokrri” për të vazhduar më pas me ndeshjen ndaj Rumanisë si mysafire. /Demokracia.com