Ballina-1

    Goli më i mirë i fundjavës, ai i Florent Muslijës apo Emir Sahitit (VIDEO)

    Dy futbollistët e Kosovës kanë shënuar gola spektakular në këtë fundjavë.

    Emir Sahiti ka shënuar supergol me të jashtmen, në stilin e Ricardo Quaresmas.

    Futbollisti i Kosovës në minutën e 65-të me Hajdukun e Splitit, ka shmangur një futbollist dhe me të jashtmen e ka dërguar topin në rrjetë.

    Hajduku po fiton ndaj Varazhdinit 2:0 në ndeshjen e xhiros së 30-të të elitës së futbollit të Kroacisë.

    Për Sahitin ishte goli i katërt i edicionit në elitën e futbollit të Kroacisë. Ai ka edhe tri asistime.

    VIDEO:

    Florent Muslija ka shënuar supergol nga gjuajtja e lirë për Paderbornin.

    Futbollisti 24-vjeçar i Kosovës ka shënuar në minutën e 20-të për epërsinë e Paderbornit në udhëtim te Sandhauseni në kuadër të xhiros së 29-të.

    Për të është goli i tetë i kampionatit.

    VIDEO: