Kombëtarja e Anglisë shënoi fitore ndaj Zvicrës gjatë penalltive dhe siguruan kualifikimin në gjysmëfinale të Euro 2024.
Granit Xhaka, kapiteni i “Helvetikëve” foli për mediat ndërkombëtare dhe tregoi se luajti i lënduar në ndeshjen ndaj “Tre Luanëve”.
“Të hënën u diagnostifikova me një fibër muskulore të çarë në aduktorët e mi. Por unë doja të isha këtu me ekipin, andaj shtrëngova dhëmbët. Nuk mund të godisja drejt portës, apo të bëja ndonjë pasim të gjatë”, u shpreh Xhaka pas ndeshjes
Për penalltinë e humbur nga Akanji:
“Dikush duhej ta bënte penalltinë e parë. Unë vet kam qenë në këtë pozicion. Kjo e bën atë edhe më të fortë. Kokën lartë, jam krenar me këtë djalë”.
Për përfundimin e Euro 2024:
“Duhet ta pranojmë. Sigurisht që dhemb të humbasësh kështu. Është brutale. Kishim cilësinë për të shkuar në gjysmëfinale”.