Pas njoftimit për rikthimin e tij te Milani, zyrtarisht si këshilltar i lartë i “RedBird”, këto janë ditë të nxehta për Zlatan Ibrahimovic. Suedezi pritej sot në Milanello, të takohej me Piolin dhe skuadrën kuqezi, e freskët nga fitorja e hidhur dhe e ëmbël ndaj Newcastle, por u ndalua nga gripi.
Në fakt, vizita e tij në Milanello duhej të kishte ndodhur dje, tani ka ardhur shtyrja. Ibra mund të jetë në tribuna të dielën, kur Monza e mikut të tij, Gallianim të arrijë në “San Siro”. Eksperienca e tij e tretë me kuqezinjtë do të jetë krejtësisht ndryshe, duke qenë se roli i ish-sulmuesit nuk do të jetë më ai i futbollistit, por i menaxherit.
Sigurisht, jo njeri tavoline, por gjithsesi njeri i fushës, pasi aty do që të jetë dhe aty e duan pronarët. Është e nevojshme të mbështetet ekipi kuqezi, që po përjeton ulje-ngritje.
Eliminimi nga Champions League me siguri nuk ka bërë gjë tjetër, veçse e ka bërë edhe më të pasigurt.
Kjo është arsyeja pse personaliteti i tij është i nevojshëm për të rindezur ambiciet e Milanit në kampionat, ku janë ende të tretët në klasifikim, por mbi të gjitha për t’i dhënë jetë një fushate në “Europa League”, e denjë për të kaluarën ndërkombëtare të “Djallit”.
Fushatë që mund të shtojë ca para në arkën kuqezi dhe mbi të gjitha të shtojë një trofe që mungon në “palmaresin” e Milanit. Me pak fjalë, sjellja e entuziazmit dhe rikthimi i motivimit do të jetë detyra kryesore e Ibrës në fund të vitit.