Ballkani ka shënuar një tjetër fitore në ndeshje miqësore në Antalia të Turqisë, atje ku po qëndron për fazën përgatitore.
Kampioni në fuqi i Kosovës ka triumfuar 5:2 kundër Oleksandriya, shkruan Demokracia.com.
Golat për Ballkanin i kanë shënuar i sapotransferuari Trashi si dhe Rrahmani, Gripshi, Korenica e Berisha.
Nga shtatë gola sa u realizuan, bindshëm më i miri ishte ai i mesfushori Nazmi Gripshi.
Mesfushori i Ballkanit realizoi supergol në stilin “gërshërë” në minutën e 18-të të sfidës kontrolluese.
Para kësaj miqësoreje, Ballkani kishte mposhtur edhe Beroen e Bullgarisë dhe Kaysarin e Kazakistanit.