Trajneri spanjoll i kampionëve të Anglisë dhe Europës në fuqi iu nënshtrua një operacioni urgjent në shpinë, ndaj tashmë i nevojitet një periudhë e shkurtër pushimi. Kjo nënkupton se ai nuk do të jetë në stolin e “qytetarëve” për dy ndeshjet e ardhshme.
Ja deklarata e Manchester City: “Pep Guardiola iu nënshtrua një operacioni rutinë sot për një problem me shpinën. Trajneri ynë ka vuajtur nga dhimbje të forta shpine prej disa kohësh dhe ka fluturuar në Barcelonë për një operacion urgjent, të kryer nga Dr. Mireia Illueca. Operacioni ishte i suksesshëm, Pep tani do të kalojë një periudhë rehabilitimi në Barcelonë.
Në mungesë të tij, ndihmës-trajneri Juanma Lillo do të mbikëqyrë stërvitjen e ekipit të pare dhe do ta udhëheqë Manchester City deri në rikthimin e Pep, gjë që do të ndodhë pas pushimit të ardhshëm ndërkombëtar (angazhimit të kombëtareve në kualifikueset e shtatorit)”.