Trajneri i Manchester Cityt, Pep Guardiola, ka thënë se nuk do të transferojë një zëvendësues për Riyad Mahrez, i cili iu bashkua klubit të Arabisë Saudite Al-Ahli të premten.
Në turneun para-sezonal të klubit në Korenë e Jugut të shtunën, menaxheri i Manchester City shtoi se shpenzimet verore të klubeve të Ligës Pro Saudite “ka ndryshuar tregun”.
“Ne nuk po kërkojmë një zëvendësues të Rijadit për sa i përket aftësive, sepse çdo lojtar është i ndryshëm”, u shpreh Guardiola.
“Do të shohim se çfarë do të ndodhë me lojtarët e huazuar dhe cilët lojtarë do të qëndrojnë këtu. Disa gjëra do të ndodhin”.
“Arabia Saudite ka ndryshuar tregun. Disa muaj më parë, kur Cristiano [Ronaldo] ishte i vetmi që do të largohej, askush nuk mendonte se kaq shumë lojtarë të mirë do të luanin në ligën saudite”.
“Në të ardhmen do të ketë më shumë dhe kjo është arsyeja pse klubet duhet të jenë të vetëdijshme për atë që po ndodh. Rijadi mori një ofertë të pabesueshme [nga Al-Ahli] dhe kjo është arsyeja pse ne nuk mund të thonim ‘mos e refuzo”.
Mahrez ishte largimi i dytë nga skuadra që fitoi tripletën, pas kalimit të Ilkay Gundogan në Barcelonë si një transferim i lirë.
Ish-mesfushori i Chelseat, Mateo Kovacic është nënshkrimi i tyre i vetëm deri më tani dhe mbrojtësi i krahut Kyle Ëalker është lidhur me një lëvizje te Bayern Munich.
Ndërkohë, Nathan Ake, ka nënshkruar kontratë të re deri në vitin 2027.