Mesfushori Ilkay Guendogan do të jetë pjesë e skuadrës së Barcelonës prej edicionit të ardhshëm, kanë raportuar mediumet spanjolle të mërkurën. Bëhet e ditur se Guendogan tashmë ka pranuar ofertën e Barcelonës dhe pritet së shpejti të zyrtarizohet te skuadra spanjolle.
Ai me Barcelonën do të firmosë kontratë trevjeçare, pasi tashmë ka refuzuar rinovimin e kontratës me Manchester Cityn dhe ofertën e Arsenalin.
32-vjeçari te Barcelona do të transferohet si lojtar i lirë, pasi në fund të këtij muaji i skadon kontrata me Cityn, ekip për të cilin edicionin e fundit pati 11 gola e 7 asistime. Guendogan iu bashkua Cityt në vitin 2016 nga Dortmundi dhe krahas pesë titujve të kampionit të Anglisë ka fituar edhe një trofe të Ligës së Kampionëve.