Turqia bëri befasinë në Kampionatin Evropian kur e eliminoi Austrinë në fazën e një të tetës së finales.
Skuadra e drejtuar nga Vincenzo Montella fitoi 2:1, falë dy golave të qendërmbrojtësit Merih Demiral.
Por, selektori italian bëri dy lëvizje që në një turne madhor nuk ishin bërë prej Evropianit 1964.
Montella vendosi që në formacionin startues të Turqisë të luanin dy futbollistë nën moshën 20-vjeçare, Arda Guler dhe Kenan Yildiz.
“Opta”, që merret me statistikat e futbollistëve, skuadrave dhe shteteve, ka shkruar se dy futbollistë të grupmoshës U20 nuk kishin qenë titullarë në fazën nokaut të Kupës së Botës apo Kampionatit Evropian që prej ndeshjes ndërmjet Hungarisë dhe Danimarkës në ‘Euro 1964”.