Kryetari i Aleancës për Ardhmërinë e Kosovës, Ramush Haradinaj nga afër ka ndjekur sot suksesin e xhudistëve të Kosovës ku fituan katër medalje në Kampionatin Evropian.
Haradinaj ka thënë se Kosova ka ndritur në arenën ndërkombëtare falë xhudistëve tanë të talentuar, të cilët kanë sjellë triumfe të njëpasnjëshme për vendin tonë.
Akil Gjakova fitoi medaljen e artën, ndërsa Distria Krasniqi, Nora Gjakova dhe Dardan Cena fituan medaljen e bronztë.
Postimi i plotë i Ramush Haradinajt:
Xhudoja vazhdon të jetë sporti më kulminant në vend. Kosova ka ndritur në arenën ndërkombëtare falë xhudistëve tanë të talentuar, të cilët kanë sjellë triumfe të njëpasnjëshme për vendin tonë.
Sot përjetova një emocion të veçantë në një nga ngjarjet më të mëdha sportive në vend, “Kampionati i Hapur Evropian i Xhudos Prishtina 2023,” ku morën pjesë 26 shtete nga e gjithë bota.
Sukseset e xhudistëve tanë janë pasuri kombëtare, dhe kjo meritë shkon te mjeshtri i madh Toni Kuka dhe familja e tij.
Mirënjohje Federatës së Xhudos së Kosovës në krye me Agron Kukën, për organizimin e shkëlqyer!