Haxhi ‘Robin’ Krasniqi synon ta jetojë ëndrrën e tij të kamotshme për të boksuar dhe për të fituar në vendin ku i rrahë zemra.
Boksieri i suksesshëm kosovar bëri karrierë të jashtëzakonshme jashtë vendit, ndërsa më 5 gusht do ta plotësojë ëndrrën e tij dhe të krejt fansave të tij për të boksuar në Kosovë.
Meçi i radhës i tij do të zhvillohet në stadiumin “Fadil Vokrri”.
Ish-kampioni i botës në boksin profesionist, përmes një postimi në faqen e tij zyrtare në “Facebook”, paralajmëroi se do të shkruhet historia me atë datë.
“Me 5 Gusht do të shkruajm Histori!”, shkroi 36-vjeçari nga Juniku.