Kombëtarja U22 e Kosovës në Beach Volley, meshkujt, ka shkruar historinë duke siguruar fazën e grupeve në këtë grupmoshë dhe konkurrencë për herë të parë ndonjëherë.
Ekipi i përbërë nga dyshja e volejbollistëve Ermal Maliqi/Erion Bajrami dhe e drejtuar nga trajneri Fatlum Hajrizi arriti që të mposht Kroacinë, pasi paraprakisht kishte mposhtur Skocinë dhe Irlandën e Veriut, ndërsa pësoi disfateë nga Sllovakia.
Në ndeshjen vendimtare, Kosova mposhti Kroacinë me rezultat 1-2 (18-21, 21-16, 12-15).
Me këtë fitore, Kosova u kualifikua në fazën e grupeve të Kampionatit Evropian, ku do të marrin pjesë 32 ekipet më tè mira të Kontinentit të Vjetër në Beach Volley.
“Dardanët” tash do të jenë pjesë e Grupit G, bashkë me superfuqitë Poloninë, Norvegjinë dhe Hungarinë.
Federata e Volejbollit e Kosovës ka përgëzuar djelmoshat dhe trajnerin për suksesin e arritur, duke i uruar edhe suksese të mëtutjeshme.