Holanda ka siguruar kalimin për në fazën çerekfinale të Kupës së Botës “Katar 2022”.
Kombëtarja holandeze shënoi fitore sonte ndaj Shteteve të Bashkuara të Amerikës, në ndeshjen e vlefshme për 1/8 e finales të këtij turneu.
Memphis Depay (10’), Daley Blind (45+1’) dhe Denzel Dumfries (81’) shënuan golat e fitores për “Tulipanët”.
Haji Wright (76’) e shënoi golin e vetëm për amerikanët.
Holanda në çerekfinale do të takohet me fituesin nga ndeshja mes Argjentinës dhe Australisë, që zhvillohet sonte nga ora 20:00.