Granit Xhaka e ka pësuar disfatën e parë me skuadrën e Sunderlandit.
Sunderlandi të shtunën si mysafir u mposht nga Burnley me rezultatin 2:0.
Kjo ndeshje i takoi xhiros së dytë të Premier Leagues.
Golin e parë për vendësit e realizoi Josh Cullen në minutën e 47-të.
Jaidon Anthony ishte realizatori i golit të fundit në minutën e 88-të.
Xhaka e kompletoi ndeshjen te Sunderlandi. Te Burnley për shkak të lëndimit mungoi sulmuesi i Shqipërisë, Armando Broja.
Për Burnleyn ishte fitorja e parë pasi në xhiron e parë u mposht nga Tottenham Hotspuri me rezultatin 3:0.
Ndërsa Sunderlandi në javën e parë fitoi në shtëpi ndaj West Ham Unitedit me rezultatin 3:0.