I biri i legjendës Diego Armando Maradona ka përkrahur Lionel Messin në Instagram me një fotografi të veçantë.
Argjentina të martën mposhti Kroacinë 3:0 dhe u kualifikua në finale të Kupës së Botës.
Diego Armando Maradona Jr. ka postuar një fotografi, ku shihen në përqafim babai i tij dhe Messi, ndërsa ia shtoi mbishkrimin e këngëve të famshme që po këndohen nga tifzoët argjentinas në Katar.
“Në Argjentinë u linda, në tokën e Diegos dhe Lionelit, dhe asnjëherë nuk do t’i harrojë djemtë e ‘Las Malvinas’. Nuk mund ta shpegojë këtë, sepse nuk do ta kuptoni se sa vjet mbajta zi për finalet që i kemi humbur. Por tani ka përfunduar sepse në Maracana, në finalen kundër brazilianëve, babai e fitoi atë një herë. Djem, tani jemi duke ëndërruar sërish. Dua për herë të tretë të jem kampion bote. Dhe mund ta shohim Diegon në parajsë, me Don Diegon dhe La Totan, që brohorisin për Lionelin”, ka shkruar ai. “La Tota”, siç i referohen argjentinasit, është nëna e Diego Armando Maradonës.