Armend Thaqi ishte i pari që komentoi humbjen ndaj Slavias së Pragës, disfatë që vulosi edhe eliminimin e Ballkanit në fazën e grupeve të Conference League.
Mbrojtësi i djathtë, që na mësoi me gola spektakolarë në Evropë, deklaroi se përtej rezultateve, skuadra ka marrë një eksperiencë fantastike me pjesëmarrjen në këtë kompeticion.
Një tjetër disfatë, pavarësisht një ndeshjeje shumë të mirë…
Edhe sot mendoj se luajtëm deri në fund dhe nuk është se krijuam shumë raste të mira, por edhe kundërshtari nuk krijoi. Na ndëshkuan me një mungesë përqendrimi në goditje standarde. Është një humbje që dhemb, por futbolli është i tillë dhe ne duhet të pranojmë këtë rezultat.