Sulmuesi Zlatan Ibrahimoviq ka shkruar histori të shtunën mbrëma. Ai ka shënuar gol për Milanin ndaj Udineses për t’u bërë realizatori më i vjetër në histori të Serie A.
Me 41 vjet e 166 ditë saktësisht, Ibra shënoi nga pika e bardhë në minutën e tretë të kohës shtesë në pjesën e parë. Në fakt Ibra dështoi në tentimin e parë, por penalltia u përsërit pasi një lojtar i Udineses hyri më herët në zonë.
Pas pjesës së parë Udinese po udhëheq 2:1. Beto shënoi për 2:1 në minutën e gjashtë të kohës shtesë.
Robert Pereyra kaloi në epërsi Udinesen në minutën e dhjetë, ndërsa për 1:1 shënoi Ibrahimoviqi.
Ai startoi te Milani dhe është kapiten.
45+3' Goal – Zlatan Ibrahimovic
— Serie A live streams (@MJSLive1) March 18, 2023
Udinese 1-1 Milan pic.twitter.com/9Fjqv7Yy2C