Portieri i mirënjohur Ilir Avdyli nuk do të jetë më pjesë e skuadrës së Llapit.
Ai përmes një postimi në Facebook, ka njoftuar largimin nga skuadra llapjanë, siç thotë me marrëveshje të dyanshme.
Gjithsesi, largimi i Avdylit sipas burimeve të Ballkani.info kanë ardhur pas krisjeve të raporteve mes tij dhe trajnerit Tahir Batatina, gjë e cila bëri që ai një pjesë të mirë të stinorit vjeshtor të mos jetë në portën llapjane.
Njoftimi i plotë i Ilir Avdylit
Faleminderit K.F Llapi
Me anë të këtij postimi ju njoftoj se me marrëveshje të dyanëshme në mes meje dhe klubit, pas një rrugëtimi prej 3 vite e gjysmë, bashkëpunimi me K.F Llapi ka përfunduar.
Shfrytëzoj rastin që të falenderoj presidentin e klubit z.Beqir Batatina për korrektësinë, kryetrainerin z.Tahir Batatina dhe ndihmësit e tij për besimin që më kanë dhënë gjatë gjithë kësaj kohe.
Falenderim i vecantë u takon edhe bashkëlojtarëve me të cilët ndava këtë rrugtim të bukur, si dhe tifozëve të klubit “LEGJENDAT” për mbështetjen maksimale gjatë këtyre viteve.
K.F Llapit i dëshiroj suksese në të ardhmen.