Presidenti i FIFA-s, Gianni Infantino në profilin e tij në Instagram e ka kujtuar vizitën e tij në Kosovë.
I pari i futbollit botëror sot një vit ka qëndruar Kosovë për herë të parë, teksa krahas presidentit të FFK-së, Agim Ademi ishte takuar edhe me krerët e shtetit. Ai kishte mbetur i mahnitur me mikpritjen e jashtëzakonshme në Kosovë, gjë të cilën e ka shprehur edhe në postimin e sotëm, ku ka publikuar edhe disa foto nga vizita.
“Kam kujtime të bukura nga vizita ime në vendin futbolldashës të Kosovës, sot, një vit më parë.
Kam pasur diskutime shumë pozitive për një sërë temash me Presidenten Dr. Vjosa Osmani-Sadriu, kryeministrin Albin Kurti, presidentin e Federatës së Futbollit të Kosovës Agim Ademi, Ministrin e Kulturës, Rinisë dhe Sportit Hajrulla Çeku dhe kryetarin e Prishtinës Përparim Rama”, ka shkruar Infantino.
Kreu i FIFA-s është takuar sot në Lituani me të parin e futbollit kosovar, Agim Ademi.
