Presidenti i FIFA-së, Gianni Infantino sot ka pranuar medaljen e nderit nga Presidentja e Kosovës, Vjosa Osmani.
Infantino që njihet si një mik i madh i futbollit të Kosovës, njihet edhe si presidenti që e pranoi FFK-në në FIFA.
Ai ka thënë se Prishtina sot është kryeqyteti i futbollit të botës dhe është i nderuar për këtë çmim.
“Jam shumë i nderuar. Prishtina sot është kryeqyteti i futbollit të Botës. Jam krenar që si president i FIFA-së e kam pranuar Kosovën dhe i kam uruar mirëseardhje në familjen e FIFA-së.
Keni punuar shume dhe ne do të jemi gjithmonë afër jush. Më vjen keq që sot nuk mund të flas në gjuhen shqipe pasi ende nuk e kam mësuar sa duhet, por shpresoj që herën tjetër kur të vij do t’ju adresohem në shqip’, ka thënë ndër të tjera Infantino.