Transferimi i Cristiano Ronaldos tek Al-Nassr ka pasur sukses të madh edhe në rrjetet sociale. Të martën, Instagrami i ekipit nga Arabia Saudite ka shpërthyer nga përcjellësit. Numri i tyre ka shkuar në 8.1 milionë që nga transferimi i Ronaldos, i cili u prezantua të martën.
Para se ta zyrtarizonte Ronaldon, Al-Nassr kishte 860 mijë përcjellës në Instagram.
Efekti i Ronaldos është i jashtëzakonshëm edhe në rrjetet sociale, pasi një gjë e tillë pati ndodhur edhe me Real Madridin e Juventusit.
Skuadra nga Italia fitoi gjashtë milionë përcjellës të ri nga e mbarë bota në rrjetet sociale kur e transferoi Ronaldon në vitin 2018.