Skuadra e Dritës luan të enjten ndeshjen e kthimit ndaj Legia Varshavës.Drita dhe Legia ballafaqohen në stadiumin ‘Fadil Vokrri’, në kuadër të ‘Play Offit’ të Conference League.
Tifogrupi, Intelektualët para pak çasteve kanë bërë thirrje për udhëtim masiv drejt kryeqytetit.Ja njoftimi i tyre:
“Pasnesër shkojmë n’Prishtinë!
Po afrohet një tjetër natë e madhe europiane, ku DRITA e luan ndeshjen e kthimit përballë Legias, në play off të Conference League.
Intelektualët 1998 janë gati, për spektaklin dhe ligjëratën e radhës, pranë klubit tonë të zemrës si dhe pranë dy ngjyrave tona (⚪️🔵) të përjetshme!Vendosemi në sektorin verior të stadiumit. Bileta kushton 2€.
Shihemi te salla e sporteve, nga ku edhe nisemi prej orës 17:30, në mënyrë të organizuar. Është momenti historik, ku grupacioni ka nevojë për të gjithë antarët, për të gjithë tifozët, drejtë një performance madhështore. Andaj, bëjmë thirrje për një mobilizim sa më masiv. Le të paraqitemi fuqishëm, ashtu siç na ka pas hije gjithmonë …
Jetojmë për TY … fito për ne”, shkruhet në njoftim.