Inter ka shënuar fitore me rezultat 3-2 në shtëpi ndaj Monzas në kuadër të javës së 28-të në elitën e futbollit italian.
Të parët që kaluan në avantazh ishin vendasit që shënuan me Lautaro Martinez për 1-0 në minutën e 24-të, por goli u anulua për prekje të topit me dorë.
Mysafirët ia dolën që të shënojnë golin e avantazhit në minutën e 32-të përmes Samuele Birindellit i cili mposhti portierin Joan Martinez.
Ata nuk u ndalën më kaq dhe gjetën sërish rrjetën, kësaj radhe përmes Keita Balde (44’) i cili shfrytëzoi mirë hapësirën para vetes për t’i çuar shifrat në 2-0.
Pak minuta pa përfunduar pjesa e parë, Interi reagoi duke zbutur rezultatin në 2-1 falë golit të shënuar nga Marko Arnautovic.
‘Nerazzurrët’ ia dolën të barazojnë shifrat në minutën e 64-të përmes Hakan Calhanoglut i cili realizoi një gol spektakolar për rezultatin 2-2.
Për t’i dhënë tri pikët Interit në këtë takim u përkujdes mbrojtësi mysafir Georgios Kyriakopoulos, i cili në minutën e 78-të shënoi në rrjetën e portës së tij për 3-2.
Me këtë fitore Interi ruan kreun e tabelës dhe tani shkon në kuotën e 61 pikëve, katër më shumë se Napoli që ka 57 sosh, por me një ndeshje më pak të luajtur.