Krerët e Interit nuk e kanë ndërmend të bëjnë marrëveshje të re me Chelsean për sulmuesin Romelu Lukaku, ka njoftuar “Gazzetta dello Sport” të hënën. Mësohet se tek Interi kanë marrë vendim për ta kthyer belgun te klubi londinez në fund të këtij sezoni dhe mos ta vazhdojnë marrëveshjen e huazimit.
Lukaku verën e shkuar u huazua tek Interi, por në klubin italian nuk janë aspak të kënaqur me kontributin e sulmuesit 29-vjeçar.
Lukaku këtë edicion ka pasur telashe me lëndimet, ndërsa në total ka shënuar 7 gola në 24 paraqitje për Interin në të gjitha garat. Ai ka kontratë me Chelsean deri në vitin 2026 dhe Interi tashmë ka njoftuar klubin nga Londra se nuk llogarit Lukakun për sezonin e ri dhe tashmë po shikon alternativa tjera për sulmin.