Ballina-2

    Irani kërkon nga FIFA përjashtimin e SHBA-së Botërori, shkak postimi i flamurit iranian

    Autoritetet e Iranit janë të zemëruar në Kombëtaren e Amerikës dhe kanë bërë thirrje tek zyrtarët e FIFA-së që ta përjashtojnë atë nga gara

    Irani është duke kërkuar nga FIFA që SHBA të përjashtohet nga Botërori në Katar pasi që një postim në faqen zyrtare të Kombëtares së SHBA në Twitter dhe Instagram shfaqën flamurin e Iranit pa simbolin islamik që është pjesë e flamurit zyrtar të Republikës Islamike të Iranit.

    Postimi, i cili tani është shlyer, ishte tërësisht i qëllimshëm, pasi që siç është thënë nga Federata e Futbollit të Shteteve të Bashkuara të Amerikës, është bërë në shenjë respekti “për gratë që janë duke luftuar për të drejtat e tyre themelore në Iran”.

    Në anën tjetër, qeveria e Iranit është e indinjuar pasi që ata thonë se SHBA “ka larguar emrin e Zotit”, nga flamuri i tyre Kombëtar.