Fabio Soldini, ish-agjenti i Lionel Messit, ka zbuluar për publikun një bisedë që ka pasur me asin e Paris Saint-Germain në vitin 2015.
Soldini ishte agjenti i parë i Messit, ai e zbuloi atë te Neëell’s Old Boys dhe e “transferoi” në Barcelonë dhe shtatë vite më parë mori një ftesë nga Leo për të qenë mysafir i tij në qytetin e lartpërmendur.
“Ne nuk jemi parë prej 10 vitesh dhe gjëja e parë që më tha kur u ulëm ishte: “Fabi, kam një vit që nuk flej dot për shkak të finales së Kupës kundër Gjermanisë. Kjo është dashuria e tij. As Neëells, as Barcelona, as PSG, Argjentina është dashuria e tij”, tha Soldini.
Ky Botëror në Katar do të jetë shansi i fundit i Messit për të qenë kampion bote me kombëtaren. Edhe pse ai vetë nuk i konsideron Gauchos si favorit.
“Kur flasim për favoritë, kemi skuadra të mëdha si Brazili, Gjermania, Franca, Anglia, Spanja, jam i sigurt që kam harruar dikë. Nëse më duhet të zgjedh një ose dy kombëtare, atëherë do të thosha se Brazili dhe Franca janë dy kandidatët më të mëdhenj për të fituar titullin”, tha Messi për Direct TV.
Argjentina do të luajë në Grupin C me Arabinë Saudite, Meksikën dhe Poloninë në Kupën e Botës