Lajmi për vdekjen e José Antonio Reyes në vitin 2019, viktimë e një aksidenti rrugor, tronditi botën. Noelia López, e veja e lojtarit, ka ndarë një mesazh emocionues në rrjetin social ‘Instagram’.
“Sapo mora një porosi nga Ikea që kisha bërë, për të organizuar disa gjëra që i kisha ende në kuti dhe e gjeta këtë…”. Noelia gjeti një kartolinë për ditën e Shën Valentinit që Reyes i shkruante: “Gëzuar ditën e Shën Valentinit. Nuk do të të harroj as nga larg”.
Noelia ka shfrytëzuar rastin për të reflektuar: “Ndjej një përkëdhelje sa herë që has në një shenjë. Sot disa fjalë marrin më shumë forcë. Së fundmi, kam pasur shumë shenja. Një ditë do t’ju tregoj për to”.
