Serbia ditë më parë bëri një tjetër skandal në sport kur skuadra kadete e volejbollit të Serbisë refuzoi të luajë më Kombëtaren e Kosovës në turneun kualifikues për Kampionatin Evropian me pretekstin se nëntë lojtarë janë sëmurë papritur.
Serbia pas këtij vendimi rrugëtimin për këto kualifikuese derisa mori kritika të mëdha sesi politika edhe njëherë u përfshi në sport, transmeton Ballkani.info.
Kritika të mëdha ka dhënë edhe, ish-presidentit të Federatës së Volejbollit të Serbisë, Nenad Golijanin. Tetë vjet më parë, Nenad Golijanin si njeriu i parë i atëhershëm i federatës abstenoi në kongresin e Federatës Botërore të Volejbollit gjatë votimit për anëtarësimin e Kosovës në këtë organizatë, pas së cilës u shkarkua nga të gjitha pozitat që mbante dhe në media u cilësua si tradhtar.
“Nuk e di se çfarë ndodhi në të vërtetë në atë turne, sepse më përjashtuan nga volejbolli dhe sporti dhe e ndjek si tifoz. Mirëpo, si një sportist prej kohësh, ai lajm më tronditi sepse më vjen keq për ata të rinj, u privua nga shansi për të bërë diçka të rëndësishme në karrierën e tyre. Nëse vërtet diku është vendosur që të mos luajnë me Kosovën, atëherë më vjen pak turp që po ndodh kjo, sepse jam një person që respektoj vlerat sportive. Shpresoj që kjo të mos jetë së shpejti praktikë, sepse sporti duhet të ngrihet mbi të gjitha”, thotë Goljanin në një intervistë për Danas dhe shton se është i vetëdijshëm për presionet me të cilat përballen njerëzit që e morën këtë vendim. /GazetaSport