Futbollisti i Kombëtares së Kosovës, Fisnik Asllani është larguar nga Elversbergu i Gjermanisë për t’u rikthyer te Hoffenheim.
Skuadra e Elversbergut ishte shumë, shumë pranë historisë – për t’u rikthyer në Bundesliga, por u mposhtën në ndeshjen e dytë të playoffit ndaj Heidenheimit, shkruan Indeksonline
Sot në rrjetet sociale, klubi gjerman ka njoftuar largimin e disa lojtarëve, përfshi këtu edhe Fisnik Asllanin – që kontrata i skadon në fund të muajit maj.
22-vjeçari gjatë këtij edicioni shënoi 19 gola dhe bëri nëntë asiste në 36 ndeshje.
Ai rikthehet te Hoffenheim, ku ka kontratë deri në vitin 2026. Tashmë sulmuesi kosovar ka oferta të mëdha në tavolinë dhe nuk dihet nëse vazhdon me klubin gjerman.