Talenti 18-vjeçar, Anxhelo Gabriel, do të jetë lojtari më i ri i Çelsit, me brazilianin që ka pranuar ofertën e bërë nga “Blutë” e Londrës.
Ai ishte shumë pranë kalimit te Barcelona, por Çelsi bëri një ofertë të parezistueshme për Santosin.
Kjo e fundit i la një afat kohor katalanasve prej 48 orësh që të bënte të njëjtën ofertë si “Blutë”, por ata refuzuan, me klubin brazilian që pranoi ta shiste te Çelsi për shumën e 15 milionë eurove.
Sulmuesi kështu do të bashkohet me dy-herë kampionët e Europës sa më shpejtë, në mënyrë që Pochettino ta ketë të gatshëm për fazën përgatitore të sezonit.
Anxhelo do të firmosë me Çelsin një kontratë që do e mbajë atë në Londër deri në vitin 2029.