Islanda, ka zytarizuar të ftuarit e selektorit të tyre për ndeshjet ndaj Kosovës në kuadër të playoffit të Ligës B/C të Kombeve. Përballjet janë të vlefshme për ngjitje/rënie në Ligën B ose C të Kombeve.
Ndeshja e parë luhet në Prishtinë, ku Kosova më 20 mars pret Islandën. Ndërsa tre ditë më vonë në Murcia të Spanjës, 23 mars, Islanda pret Kosovën në përballjen përcaktuese.
Kjo është hera e parë që Liga e Kombeve ka dhënë mundësinë e playoffit për ngjitje/rënie nga Liga përkatëse për ekipet që përfundojnë fazën grupore në vend të dytë ose tretë.
Selektori Arnar Gunnlaugsson do të kërkojë që ekipi i tij të bëj më të mirën për të mbetur në Ligën B të Kombeve. Lojtari më me përvojë nga të ftuarit në kombëtare është Aron Gunnarsson që ka 104 ndeshje të luajtura për ishullorët. Pas tij vjen Arnor Traustason me 63 ndeshje në kombëtare, ndërkaq Sverrir Ingason ka 55 ndeshje dhe të tjerët janë me dukshëm më pak lojë të luajtura.
Islanda ka qenë pjesë e Grupit 4 të Ligës B të Kombeve, ku përfundoi e treta pas Uellsit e Turqisë. Mali i Zi nga ky grup ra në Ligën C.