Vazhdojnë ndarjet e ekipit kampion me lojtarët, ndërsa pas Lorenc Trashit, Mamadou Danfës, Nazmi Gripshit sot është zyrtarizuar edhe ndarja me Marsel Ismajlgecin.
Klubi suharekas ka bërë të ditur se ka përfunduar marrëveshja e huazimit që kanë pasur me futbollistin tiranas 24 vjeçar. Futbollisti i krahut të majtë ka qenë i huazuar nga Zrinjski i Mostarit, ndërsa para kësaj ka qenë pjesë e Tiranës.
“Marrëveshja e huazimit të Marsel Ismajlgecit me FC Ballkanin ka përfunduar.
Klubi e falenderon futbollistin për kontributin e dhënë në skuadrën tonë, duke i dëshiruar suksese në vazhdimin e karrieres së tij,” — ka shkruar njoftimi i FC Ballkanit sot.
Arbër Potoku dhe Bajram Jashanica kanë vazhduar kontratat me Ballkanin deri në qershor të vitit 2026, ndërsa gjithashtu nga ekipi janë larguar dyshja e kapitenëve Edvin Kuc dhe Armend Thaqi.