Empoli ka shënuar fitore me rezultat 0-2 në udhëtim tek Cagliari në kuadër të xhiros së pestë në Serie A.
Colombo dhe Esposito ishin golashënuesit e mysafirëve në këtë sfidë.
Ndërkohë lojë fantastike bëri edhe mbrojtësi i kombëtares shqiptare, Ardian Ismajli.
Sipas SofaScores, mbrojtësi shqiptar u vlerësua me notën 7.6.
Ai së bashku me mbrojtësin tjetër ishin dy lojtarët më të vlerësuar në ndeshje.
Pas kësaj fitore Empoli u ngrit në pozitën e tretë me nëntë pikë pas pesë ndeshjeve të luajtura, mirëpo ka një ndeshje më shumë se skuadrat e tjera.
Sfidën e radhës në Serie A, skuadra e Ardian Ismajlit e luan ndaj Fiorentinës.