Bota e futbollit, veçanërisht ajo e Amerikës së Jugut, është në zi: Juan Izquierdo, mbrojtësi i Nacional Montevideo, i cili u rrëzua përtokë pa ndjenja në minutën e 84-të të ndeshjes së luajtur të premten kundër Sao Paulos për Copa Libertadores, për shkak të një aritmie kardiake ka vdekur!
Këtë e ka bërë të ditur klubi uruguajan me një shënim zyrtar: “Me dhimbjen dhe ndikimin më të thellë në zemrat tona, klubi i futbollit Nacional njofton vdekjen e lojtarit tonë të dashur Juan Izquierdo. I shprehim ngushëllimet tona më të sinqerta familjes, miqve, shokëve dhe të afërmve të tij. I gjithë Nacional vajton humbjen e tij të pariparueshme. REP. Juan, do të jesh me ne përgjithmonë.”
Ajo që ndodhi…
Izquierdo u rrëzua përtokë gjatë ndeshjes së Copa Libertadores, për shkak të një aritmie kardiake dhe në orët e fundit para vdekjes së tij, gjendja u përkeqësua. Disa lojtarë të Uruguajit, si Luis Suarez apo José Maria Giménez, dhanë mbështetjen e tyre.
Lojtari vdiq në moshën 27-vjeçare në spitalin Israelita Albert Einstein, pavarësisht përpjekjeve të punonjësve të kujdesit shëndetësor. Izquierdo ka lënë pas prindërit Nelson dhe Sandra, gruan e tij Selena, një vajzë dyvjeçare dhe një fëmijë tjetër të mitur.